ညှိနှိုင်းတိုင်ပင်မှုဆိုင်ရာ သာဓကများ

• ဂျပန်နိုင်ငံသားနှင့် နိုင်ငံခြားသားတို့၏ ထိမ်းမြားလက်ထပ်ခြင်းလုပ်ငန်းစဉ်မှာ အဘယ်နည်း။
• ဂျပန်နိုင်ငံတွင်နေထိုင်သော နိုင်ငံခြားသားတို့၏ ထိမ်းမြားလက်ထပ်ခြင်းလုပ်ငန်းစဉ်မှာ အဘယ်နည်း။
• ကျွန်ုပ်သည် လက်ရှိတွင် ဂျပန်နိုင်ငံ၌ တရားမဝင်နေထိုင်နေပါသည်။ ကျွန်ုပ်နှင့်တွဲနေသော ဂျပန်နိုင်ငံသားအား လက်ထပ်၍ရပါသလား။
• ကျွန်ုပ်သည် ဂျပန်နိုင်ငံသားတစ်ဦးနှင့် လွန်ခဲ့သောသုံးနှစ်က လက်ထပ်ထားပြီး ဂျပန်နိုင်ငံတွင် နေထိုင်လျက်ရှိသော နိုင်ငံခြားသားတစ်ဦးဖြစ်ပါသည်။ မည်ကဲ့သို့ ကွာရှင်းနိုင်မည်နည်း။
• ကျွန်ုပ်တို့သည် ဂျပန်နိုင်ငံတွင် နေထိုင်လျက်ရှိသော နိုင်ငံသားခံယူမှုတူညီသည့် အိမ်ထောင်ရှင်စုံတွဲ ဖြစ်ပါသည်။ မည်ကဲ့သို့ ကွာရှင်းနိုင်မည်နည်း။
• ကျွန်ုပ်၏ ဂျပန်လူမျိုးအိမ်ထောင်ဖက်နှင့် ကွာရှင်းခဲ့ပါသည်။ ကျွန်ုပ်၏နေထိုင်မှုအခြေအနေကို “ဂျပန်နိုင်ငံသား၏ အိမ်ထောင်ဖက် သို့မဟုတ် ရင်သွေး” သို့ ပြောင်းရပါမည်လား။

ဂျပန်နိုင်ငံသားနှင့် နိုင်ငံခြားသားတို့၏ ထိမ်းမြားလက်ထပ်ခြင်းလုပ်ငန်းစဉ်မှာ အဘယ်နည်း။

အဆိုပါအခြေအနေတွင် သင်သည် ဂျပန်နိုင်ငံ၏ ထိမ်းမြားလက်ထပ်ခြင်းလုပ်ငန်းစဉ်ကို လိုက်နာရန် လိုအပ်ပါသည်။

လိုအပ်သောစာရွက်စာတမ်းများမှာ အောက်ဖော်ြပပါအတိုင်းဖြစ်သည်။

1. လက်ထပ်ကြောင်း အသိပေးစာ (အသက် 20 နှင့်အထက်ဖြစ်သော သက်သေနှစ်ဦးမှ လက်မှတ်ထိုးပြီး တံဆိပ်တုံးထုရမည်)
2. ဂျပန်လူမျိုးအိမ်ထောင်ဖက်၏ မိသားစုစာရင်းသွင်းခြင်း
3. ဂျပန်ဘာသာစကားသို့ ဘာသာပြန်ဆိုချက်ပါရှိသော နိုင်ငံခြားသားအိမ်ထောင်ဖက်နှင့် ထိမ်းမြားလက်ထပ်ရာတွင် အဟန့်အတားမရှိကြောင်းလက်မှတ်
4. နိုင်ငံခြားသားအိမ်ထောင်ဖက်၏ နိုင်ငံသားဖြစ်ကြောင်းသက်သေ (ပတ်စ်ပို့၊ နိုင်ငံခြားသားမှတ်ပုံတင်မှတ်တမ်းပါ ကိစ္စရပ်များဆိုင်ရာ လက်မှတ် အစရှိသည်)

လက်ထပ်ရာတွင် အဟန့်အတားမရှိကြောင်းလက်မှတ်ကို အများအားဖြင့် ဂျပန်နိုင်ငံရှိ နိုင်ငံခြားသား အိမ်ထောင်ဖက်၏ မိခင်နိုင်ငံသံရုံးမှ ထုတ်ပေးသော်လည်း ချွင်းချက်တချို့ရှိပါသည်။

နိုင်ငံခြားဘာသာစကားဖြင့် ရေးသားထားသော စာရွက်စာတမ်းများအတွက် ဘာသာပြန်ဆိုသူအမည်ပါရှိသော ဘာသာပြန်ချက်ကို ပေးရမည်ဖြစ်သည်။

ဂျပန်လူမျိုးအိမ်ထောင်ဖက်၏ စာရင်းသွင်းထားသော အတည်တကျနေထိုင်ရာလိပ်စာ သို့မဟုတ် နေထိုင်သည့်နေရာ သို့မဟုတ် နိုင်ငံခြားသားအိမ်ထောင်ဖက် နေထိုင်ရာနေရာ၏ အုပ်ချုပ်ရေးရုံးသို့ အထက်ဖော်ပြပါစာရွက်စာတမ်းများကို တင်ပြရန် လိုအပ်ပါသည်။ သတင်းအချက်အလက် ပိုမိုရရှိနိုင်ရန်အတွက် သက်ဆိုင်ရာအုပ်ချုပ်ရေးရုံးထံ ဆက်သွယ်ပါ။

လက်ထပ်ကြောင်းကို သံရုံး သို့မဟုတ် ဂျပန်နိုင်ငံရှိ နိုင်ငံခြားသားအိမ်ထောင်ဖက်၏ မိခင်နိုင်ငံသံရုံး သို့မဟုတ် ကောင်စစ်ဝန်ရုံးသို့ အစီရင်ခံရန်လည်း လိုအပ်ပါသည်။

ပြန်ထိပ်

ဂျပန်နိုင်ငံတွင်နေထိုင်သော နိုင်ငံခြားသားတို့၏ ထိမ်းမြားလက်ထပ်ခြင်းလုပ်ငန်းစဉ်မှာ အဘယ်နည်း။

ယင်းကဲ့သို့သော အခြေအနေတွင် သင်သည် ဂျပန်ထိမ်းမြားလက်ထပ်ခြင်းလုပ်ငန်းစဉ်ကို လိုက်နာဆောင်ရွက်နိုင်ပြီး သင်တို့၏လက်ထပ်မှုအား အုပ်ချုပ်ရေးရုံး၌ မှတ်ပုံတင်နိုင်ပါသည်။
လိုအပ်သောစာရွက်စာတမ်းများမှာ အောက်ဖော်ြပပါအတိုင်းဖြစ်သည်။

1. လက်ထပ်ကြောင်း အသိပေးစာ (အသက် 20 နှင့်အထက်ဖြစ်သော သက်သေနှစ်ဦးမှ လက်မှတ်ထိုးပြီး တံဆိပ်တုံးထုရမည်)
2. ဂျပန်ဘာသာစကားသို့ ဘာသာပြန်ဆိုချက်ပါရှိသော အိမ်ထောင်ဖက်နှစ်ယောက် လက်ထပ်ရာတွင် အဟန့်အတားမရှိကြောင်းလက်မှတ်
3. အိမ်ထောင်ဖက်နှစ်ယောက်လုံး၏ နိုင်ငံသားခံယူချက်သက်သေအထောက်အထား (ပတ်စ်ပို့၊ နိုင်ငံခြားသားမှတ်ပုံတင်မှတ်တမ်းပါ ကိစ္စရပ်များဆိုင်ရာ လက်မှတ် အစရှိသည်)

လက်ထပ်ရာတွင် အဟန့်အတားမရှိကြောင်းလက်မှတ်ကို အများအားဖြင့် ဂျပန်နိုင်ငံရှိ နိုင်ငံခြားသား အိမ်ထောင်ဖက်၏ မိခင်နိုင်ငံသံရုံးမှ ထုတ်ပေးသော်လည်း ချွင်းချက်တချို့ရှိပါသည်။

နိုင်ငံခြားဘာသာစကားဖြင့် ရေးသားထားသော စာရွက်စာတမ်းများအတွက် ဘာသာပြန်ဆိုသူအမည်ပါရှိသော ဘာသာပြန်ချက်ကို ပေးရမည်ဖြစ်သည်။

ဂျပန်နိုင်ငံတွင် မှတ်ပုံတင်ထားသော လက်ထပ်မှု၏တရားဝင်မှုမှာ နိုင်ငံအလိုက် ပြောင်းလဲသောကြောင့် ဂျပန်နိုင်ငံရှိ မိခင်နိုင်ငံဆိုင်ရာသံရုံးနှင့် အတည်ပြုပါ။

[လက်ထပ်မှု၊ ကွာရှင်းမှုနှင့်ပတ်သက်သည့် အုပ်စီးသောဥပဒေများ]လက်ထပ်မှု၊ ကွာရှင်းမှုနှင့်ပတ်သက်သည့် ဥပဒေများမှာ နိုင်ငံအလိုက် ကွဲပြားသည်။ နိုင်ငံတကာစုံတွဲများအတွက် အုပ်စီးသောဥပဒေများကို အောက်ဖော်ပြပါအတိုင်း သတ်မှတ်ထားသည်။

1. အိမ်ထောင်ဖက်နှစ်ဦးသည် နိုင်ငံသားခံယူမှုတူညီပါက → အဆိုပါနိုင်ငံ၏ဥပဒေများ
2. အိမ်ထောင်ဘက်များသည် နိုင်ငံသားခံယူမှုကွဲပြားသော်လည်း တစ်နိုင်ငံတည်းတွင် နေထိုင်ပါက → နေထိုင်သည့်နိုင်ငံ၏ဥပဒေများ
3. အိမ်ထောင်ဖက်များသည် နိုင်ငံသားခံယူမှုကွဲပြားပြီး မတူညီသည့်နိုင်ငံများတွင် နေထိုင်ပါက → အဆိုပါစုံတွဲနှင့် အနီးစပ်ဆုံးဆက်စပ်မှုရှိသည့် နိုင်ငံ၏ဥပဒေများ

ပြန်ထိပ်

ကျွန်ုပ်သည် လက်ရှိတွင် ဂျပန်နိုင်ငံ၌ တရားမဝင်နေထိုင်နေပါသည်။ ကျွန်ုပ်နှင့်တွဲနေသော ဂျပန်နိုင်ငံသားအား လက်ထပ်၍ရပါသလား။

လက်ထပ်ခြင်းဆိုင်ရာ လိုအပ်ချက်များနှင့် ပြည့်မီပါက နေထိုင်မှုအခြေအနေမည်သို့ပင်ဖြစ်စေ လက်ထပ်နိုင်ပါသည်။ နေထိုင်မှုအခြေအနေတစ်ရပ်ရှိရန်မှာ လက်ထပ်ရန်အတွက် လိုအပ်ချက်တစ်ခု မဟုတ်ပေ။ သို့သော် လိုအပ်သော စာရွက်စာတမ်းများအားလုံးကို ပြင်ဆင်ထားရန် လိုအပ်ပါသည်။ အိမ်ထောင်ဘက်တစ်ဦးသည် ဂျပန်နိုင်ငံသားဖြစ်ပြီး စုံတွဲသည် ဂျပန်နိုင်ငံတွင် နေထိုင်ပါက ဂျပန်နိုင်ငံဥပဒေများသည် အသက်ဆိုင်ဆုံးဖြစ်သည်။ တည်ငြိမ်သော အိမ်ထောင်သည်ဘဝဖြစ်စေရန်အတွက် ဂျပန်နိုင်ငံ၌ သတ်မှတ်ထားသည့်ကာလထက် ကျော်လွန်၍နေခြင်းကို ဖြေရှင်းရန် လိုအပ်ပါသည်။ လက်ထပ်ထားသော်လည်း ဂျပန်နိုင်ငံတွင် ဆက်လက်နေထိုင်ရန် ခွင့်ပြုချက်မရနိုင်ကြောင်း သတိပြုပါ။

ပြန်ထိပ်

ကျွန်ုပ်သည် ဂျပန်နိုင်ငံသားတစ်ဦးနှင့် လွန်ခဲ့သောသုံးနှစ်က လက်ထပ်ထားပြီး ဂျပန်နိုင်ငံတွင် နေထိုင်လျက်ရှိသော နိုင်ငံခြားသားတစ်ဦးဖြစ်ပါသည်။ မည်ကဲ့သို့ ကွာရှင်းနိုင်မည်နည်း။

ဂျပန်နိုင်ငံတွင် (1) နှစ်ဦးနှစ်ဖက်သဘောတူညီချက်ဖြင့် ကွာရှင်းနိုင်သည်၊ (2) ဖျန်ဖြေခြင်းဖြင့် ကွာရှင်းနိုင်သည် (3) တရားရုံး၏အဆုံးအဖြတ်ဖြင့် ကွာရှင်းနိုင်သည်။ သို့သော် နိုင်ငံတကာ လက်ထပ်ခြင်းတွင် နှစ်ဦးနှစ်ဖက်သဘောတူညီချက်ဖြင့် ကွာရှင်းခြင်းကို အုပ်စီးသည့်ဥပဒေများမှ ခွင့်မပြုနိုင်ပါ။

အိမ်ထောင်ဖက်တစ်ဦးသည် ဂျပန်နိုင်ငံတွင် အမြဲတမ်းနေထိုင်သည့်လိပ်စာရှိသော ဂျပန်နိုင်ငံသားဖြစ်ပါက (လက်တွေ့၌ မိသားစုစာရင်းတွင် နေထိုင်သူအဖြစ် စာရင်းသွင်းထားရုံဖြင့် လုံလောက်သည်) ဂျပန်နိုင်ငံဥပဒေများသည် သက်ရောက်မှုရှိမည်ဖြစ်ကြောင်း ဥပဒေပြဌာန်းချက်များတွင် ဖော်ပြပါရှိပါသည်။

ထို့ကြောင့် အထက်ဖော်ပြပါကိစ္စရပ်တွင် ဂျပန်နိုင်ငံ တရားမရေးရာကျင့်ထုံးသည် သက်ရောက်မှုရှိပြီး အောက်ဖော်ပြပါစာရွက်စာတမ်းများကို သင်နေထိုင်သည့်နေရာ သို့မဟုတ် စာရင်းသွင်းထားသော အမြဲတမ်းနေထိုင်သည့်နေရာ၏ အုပ်ချုပ်ရေးရုံးတွင် တင်သွင်းခြင်းဖြင့် နှစ်ဦးသဘောတူ ကွာရှင်းနိုင်ပါသည်။

1. ကွာရှင်းကြောင်း အသိပေးစာ (အသက် 20 နှင့်အထက်ဖြစ်သော သက်သေနှစ်ဦးမှ လက်မှတ်ထိုးပြီး တံဆိပ်တုံးထုရမည်)
2. မိသားစုစာရင်း
3. အထက်ဖော်ပြပါစာရွက်စာတမ်းများ (ပတ်စ်ပို့ အစရှိသည်) ကို တင်သွင်းသူ၏ ID

တရားရုံး၏အဆုံးအဖြတ်ဖြင့် ကွာရှင်းရန်အတွက် မိသားစုရေးရာတရားရုံး၌ ညှိနှိုင်းဖျန်ဖြေရန်အလို့ငှာ ဦးစွာ အမှုတွဲဖွင့်ရန် လိုအပ်သည်။ ညှိနှိုင်းဖျန်ဖြေမှု အဆုံးသတ်ပါက ကွာရှင်းမှု ပြီးဆုံးပြီဖြစ်သည်။

ပြန်ထိပ်

ကျွန်ုပ်တို့သည် ဂျပန်နိုင်ငံတွင် နေထိုင်လျက်ရှိသော နိုင်ငံသားခံယူမှုတူညီသည့် အိမ်ထောင်ရှင်စုံတွဲ ဖြစ်ပါသည်။ မည်ကဲ့သို့ ကွာရှင်းနိုင်မည်နည်း။

အိမ်ထောင်ဖက်နှစ်ဦးလုံးသည် နိုင်ငံခြားသားများဖြစ်ပါက မိခင်နိုင်ငံ၏ဥပဒေများနှင့်အညီ ကွာရှင်းရန် လိုအပ်ပါသည်။ ဂျပန်နိုင်ငံရှိ မိခင်နိုင်ငံဆိုင်ရာ သံရုံး သို့မဟုတ် ကောင်စစ်ဝန်ရုံးကို ဆက်သွယ်ပါ။

မိခင်နိုင်ငံ၏ဥပဒေများသည် နှစ်ဦးသဘောတူကွာရှင်းမှုကို ခွင့်ပြုပါက ဂျပန်နိုင်ငံတွင် နှစ်ဦးနှစ်ဖက်သဘောတူညီချက်ဖြင့် ကွာရှင်းခြင်းဆိုင်ရာ အသိပေးစာကို အမှုတွဲဖွင့်နိုင်ပါသည်။ တင်သွင်းရမည့် စာရွက်စာတမ်းများမှာ အောက်ဖော်ပြပါအတိုင်းဖြစ်သည်။

1. နိုင်ငံသားခံယူချက်သက်သေအထောက်အထား
2. သင်၏လက်ထပ်မှုကိုသက်သေပြနိုင်သော စာရွက်စာတမ်း(များ)
3. ဂျပန်နိုင်ငံဥပဒေအောက်တွင် နှစ်ဦးသဘောတူကွာရှင်းခြင်းကို ခွင့်ပြုပြီးဖြစ်ကြောင်း သက်သေ

ပြန်ထိပ်

ကျွန်ုပ်၏ ဂျပန်လူမျိုးအိမ်ထောင်ဖက်နှင့် ကွာရှင်းခဲ့ပါသည်။ ဂျပန်နိုင်ငံသားတစ်ဦးနှင့် ကွာရှင်းခဲ့ပါသည်။ ကျွန်ုပ်၏နေထိုင်မှုအခြေအနေကို “ဂျပန်နိုင်ငံသား၏ အိမ်ထောင်ဖက် သို့မဟုတ် ရင်သွေး” သို့ ပြောင်းရပါမည်လား။

ကွာရှင်းပြီးလျှင်တောင်မှ သင်နေထိုင်ခွင့်ရှိသည့်ကာလအဆုံးအထိ ဂျပန်နိုင်ငံ၌ နေထိုင်နိုင်ပါသည်။

သို့သော် သင်၏နေထိုင်မှုအခြေအနေကို ဂျပန်နိုင်ငံသား၏ အိမ်ထောင်ဖက် သို့မဟုတ် ရင်သွေး အဖြစ်မှ မပြောင်းလဲနိုင်ပါ။ ဂျပန်နိုင်ငံတွင် ဆက်လက်နေထိုင်လိုပါက သင်နေထိုင်သည့်နေရာရှိ ဒေသဆိုင်ရာ လူဝင်မှုကြီးကြပ်ရေးသတင်းအချက်အလက်ဌာနထံ၌ နေထိုင်မှုအခြေအနေပြောင်းလဲရန် (ဥပမာအားဖြင့် ရေရှည်နေထိုင်သူ သို့ပြောင်းခြင်း) လျှောက်ထားနိုင်ပါသည်။

ဂျပန်နိုင်ငံ၌ နှစ်ပေါင်းများစွာ နေထိုင်လာခြင်းဖြစ်ပါက သို့မဟုတ် ဂျပန်လူမျိုးကလေးကို ပြုစုပျိုးထောင်နေပါက အဆိုပါနေထိုင်မှုအခြေအနေပြောင်းလဲခြင်းကို အတည်ပြုပေးနိုင်ပါသည်။

သတင်းအချက်အလက်များ ပိုမိုသိရှိနိုင်စေရန်အတွက် နာဂိုရဒေသဆိုင်ရာ လူဝင်မှုကြီးကြပ်ရေးသတင်းအချက်အလက်ဌာန သို့မဟုတ် လူဝင်မှုကြီးကြပ်ရေးသတင်းအချက်အလက်စင်တာသို့ ဆက်သွယ်ပါ။

ပြန်ထိပ်