ညှိနှိုင်းတိုင်ပင်မှုဆိုင်ရာ သာဓကများ

• ဘာသာစကားမျိုးစုံဖြင့် ဆေးဝါးကုသခြင်းဝန်ဆောင်မှုများပေးသော ဆေးရုံတစ်ရုံကို ရှာဖွေနေပါသည်။
• ဖုန်းဖြင့် ဆေးဘက်ဆိုင်ရာ ဆွေးနွေးတိုင်ပင်မှုများကို ဘာသာစကားမျိုးစုံဖြင့်ဆောင်ရွက်ပေးသော အဖွဲ့အစည်းတစ်စုံတစ်ရာ ရှိပါသလား။
• ကျွန်ုပ်၏ ဆေးကုသမှုစရိတ်များကို ပေးချေရာ၌ ပြဿနာရှိနေပါသည်။ ခံစားခွင့်တစ်စုံတစ်ရာ ရှိပါသလား။
• ကလေးရှိသော မိသားစုများအတွက် ခံစားခွင့်များရှိကြောင်း ကြားသိရပါသည်။
• မသန်စွမ်းခြင်းအသိအမှတ်ပြုလက်မှတ်ကို မည်ကဲ့သို့ရရှိနိုင်မည်နည်း။
• နိုင်ငံခြားသားသည် အများပြည်သူကူညီပံ့ပိုးမှုကို ရရှိနိုင်ပါသလား။

ဘာသာစကားမျိုးစုံဖြင့် ဆေးဝါးကုသခြင်းဝန်ဆောင်မှုများပေးသော ဆေးရုံတစ်ရုံကို ရှာဖွေနေပါသည်။

အာအိချိဆေးကုသမှုဆိုင်ရာသတင်းအချက်အလက်ကွန်ရက် (https://iryojoho.pref.aichi.jp/) တွင် ဆေးရုံများ၊ ဆေးခန်းများ၊ သွားဆေးခန်းများ၊ ဆေးဆိုင်များ၊ သားဖွားစင်တာများနှင့် ဘာသာစကားမျိုးစုံဖြင့် ဝန်ဆောင်မှုများပေးသော အာအိချိရှိ အခြားဆေးပညာအဖွဲ့အစည်းများဆိုင်ရာ အချက်အလက်များကို ဖော်ပြထားပါသည်။

အာအိချိအရေးပေါ်ဆေးကုသမှုလမ်းညွှန် (http://www.qq.pref.aichi.jp/) တွင် ဘာသာစကားမျိုးစုံဖြင့် ဝန်ဆောင်မှုများပေးသော အာအိချိရှိ အရေးပေါ် ဆေးကုသမှု အဖွဲ့အစည်းများဆိုင်ရာ အချက်အလက်များကို ဖော်ပြထားပါသည်။ ဘာသာစကားငါးမျိုးဖြင့် စက်မှဖြေကြားပေးသောအသံနှင့် ဖက်စ်လမ်းညွှန်ချက်ကိုလည်း ဝန်ဆောင်မှုပေးပါသည် (ဖုန်း- 050-5810-5884)။

အာအိချိဆေးကုသမှုဆိုင်ရာစကားပြန်ခြင်းစနစ် (http://www.aichi-iryou-tsuyaku-system.com/) သည် ဆေးကုသမှုဆိုင်ရာ စကားပြန်များကို ပါတနာဆေးရုံများသို့ ပို့ဆောင်ပေးပြီး ဖုန်းဖြင့် စကားပြန်ခြင်းဝန်ဆောင်မှုကိုလည်း ဆောင်ရွက်ပေးသည်။ စကားပြန်အား ပို့ဆောင်ပေးနိုင်ခြင်းရှိ၊ မရှိသိရှိနိုင်ရန် သင့်ဆေးရုံထံ ဆက်သွယ်ပါ။ အဆိုပါဝန်ဆောင်မှုသည် ကုန်ကျစရိတ်ကျသင့်မည်ဖြစ်သည်။

ပြန်ထိပ်

ဖုန်းဖြင့် ဆေးဘက်ဆိုင်ရာ ဆွေးနွေးတိုင်ပင်မှုများကို ဘာသာစကားမျိုးစုံဖြင့်ဆောင်ရွက်ပေးသော အဖွဲ့အစည်းတစ်စုံတစ်ရာ ရှိပါသလား။

AMDA ဆေးကုသမှုဆိုင်ရာသတင်းအချက်အလက်စင်တာ (https://www.amdamedicalcenter.com/) သည် အမျိုးမျိုးသော ဆေးဘက်ဆိုင်ရာအချက်အလက်များကို ဖုန်းဖြင့် ဝန်ဆောင်မှုပေးပါသည်။

ပြန်ထိပ်

ကျွန်ုပ်၏ ဆေးကုသမှုစရိတ်များကို ပေးချေရာ၌ ပြဿနာရှိနေပါသည်။ ခံစားခွင့်တစ်စုံတစ်ရာ ရှိပါသလား။

ဆေးကုသမှုစရိတ်များ (ဆေးကုသခြင်းနှင့် ဆေးဝါးကုန်ကျစရိတ်များ) အတွက် သင်မျှဝေကျခံသည့်ပမာဏသည် သတ်မှတ်ပမာဏကို ကျော်လွန်နေပါက ကျော်လွန်နေသောပမာဏကို ပြန်အမ်းပေးရန် လျှောက်ထားနိုင်ပါသည်။

သင်သည် အမျိုးသားကျန်းမာရေးအာမခံ တွင် အကျုံးဝင်ပါက သက်ဆိုင်ရာအုပ်ချုပ်ရေးရုံးရှိ အမျိုးသားကျန်းမာရေးအာမခံကဏ္ဍ သို့ ဆက်သွယ်ပါ။ သင်သည် လူမှုရေးအာမခံ တွင် အကျုံးဝင်ပါက သင့်ကုမ္ပဏီ သို့မဟုတ် ဂျပန်ကျန်းမာရေးအာမခံအသင်း (Kyokai Kenpo) ထံဆက်သွယ်ပါ။

ပြန်ထိပ်

ကလေးရှိသော မိသားစုများအတွက် ခံစားခွင့်များရှိကြောင်း ကြားသိရပါသည်။

သင့်တွင် ကလေးရှိပါက ကလေး၏ 15 နှစ်ပြည့်မွေးနေ့ပြီးနောက် ပထမဆုံးမတ်လ 31 ရက်နေ့အထိ ကလေးထောက်ပံ့ကြေး ကို ရရှိနိုင်ပါသည်။ ထောက်ပံ့ကြေးတွင် ဝင်ငွေကန့်သတ်ချက်ရှိပါသည်။ ဂျပန်နိုင်ငံ၌ နေရပ်လိပ်စာမရှိသော ကလေးများသည် အရည်အချင်းမပြည့်မီပါ။ ကလေး၏သုံးနှစ်ပြည့်မွေးနေ့၏မွေးလအထိ လစဉ်ထောက်ပံ့ကြေးသည် ယန်း 15,000 ဖြစ်ပြီး နောက်ပိုင်းတွင် ယန်း 10,000 ဖြစ်သွားမည်ဖြစ်သည်။ (အသက် 18 နှစ်အောက် ကလေးငယ်သုံးယောက် သို့မဟုတ် သုံးယောက်အထက်ရှိပါက တတိယမြောက်ရင်သွေးအတွက် တစ်လလျှင် ယန်း 15,000 ရရှိမည်ဖြစ်ပြီး ထပ်မံတိုးပွားလာသောကလေးငယ်တစ်ယောက်စီတိုင်း၏ 12 နှစ်မြောက်မွေးနေ့ပြီးနောက် ပထမဆုံးမတ်လ 31 ရက်နေ့အထိ ထိုကလေးငယ်တစ်ယောက်စီတိုင်းအတွက်လည်း တစ်လလျှင် ယန်း 15,000 ရရှိမည်ဖြစ်သည်။) ရှေ့လာမည့်လများအတွက် ထောက်ပံ့ကြေးကို ဖေဖော်ဝါရီလ၊ ဇွန်လနှင့် အောက်တိုဘာလတိုင်းတွင် ထုတ်ပေးပါသည်။ သတင်းအချက်အလက် ပိုမိုရရှိနိုင်ရန်အတွက် သက်ဆိုင်ရာအုပ်ချုပ်ရေးရုံးရှိ ကလေးစောင့်ရှောက်ရေးကဏ္ဍ ထံ ဆက်သွယ်ပါ။

ပြန်ထိပ်

မသန်စွမ်းခြင်းအသိအမှတ်ပြုလက်မှတ်ကို မည်ကဲ့သို့ရရှိနိုင်မည်နည်း။ What can I do?

တရားဥပဒေအရသတ်မှတ်ထားသော မသန်စွမ်းမှု (အမြင်အာရုံ၊ အကြားအာရုံ၊ ဟန်ချက်၊ စကားပြော/ဘာသာစကား၊ ခြေလက်အင်္ဂါများ အစရှိသည်တို့နှင့် ဆက်စပ်သော မသန်စွမ်းမှု) ရှိနေရပါက မသန်စွမ်းလက်မှတ်ရရှိနိုင်ပြီး သင်၏မသန်စွမ်းမှုအဆင့်ပေါ်မူတည်၍ အိမ်သို့လာရောက်ကူညီပေးသူဝန်ဆောင်မှု၊ ဆေးကုသခြင်းဖြင့် ပြန်လည်သန်စွမ်းရေး၊ အမျိုးမျိုးသောခံစားခွင့်များ၊ အခွန်ကင်းလွတ်ခွင့်များ၊ အများပြည်သူသုံး သယ်ယူပို့ဆောင်ရေးအတွက် စီးနင်းခလျှော့ဈေးများ အစရှိသည်တို့ကို ရရှိနိုင်ပါသည်။

သက်ဆိုင်ရာအုပ်ချုပ်ရေးရုံး၏ မသန်စွမ်းမှုစောင့်ရှောက်ရေးကဏ္ဍ တွင် လျှောက်ထားနိုင်ပါသည်။

လျှောက်ထားရန်အတွက် အောက်ဖော်ပြပါစာရွက်စာတမ်းများ လိုအပ်ပါသည်။

1. မသန်စွမ်းလက်မှတ်ထုတ်ပေးရန် လျှောက်လွှာ
2. သတ်မှတ်ထားသည့်ဆရာဝန်မှထုတ်ပေးသော ဆေးကုသမှုလက်မှတ်
3. ဓာတ်ပုံ 1 ပုံ (ကိုယ်အပေါ်ပိုင်း၊ W 3 cm x H 4 cm)
4. တံဆိပ်တုံး (သို့မဟုတ် လက်ဖြင့်ရေးထိုးထားသော လက်မှတ်)
5. ID (ယာဉ်မောင်းလိုင်စင်၊ အမျိုးသားကျန်းမာရေးအာမခံကတ်၊ နေထိုင်ခွင့်ကတ် အစရှိသည်)

ပြန်ထိပ်

နိုင်ငံခြားသားသည် အများပြည်သူကူညီပံ့ပိုးမှုကို ရရှိနိုင်ပါသလား။

အများပြည်သူကူညီပံ့ပိုးမှုကို ရရှိနိုင်စေရန်အတွက် သင်၏နေထိုင်မှုအခြေအနေသည် အောက်ဖော်ပြပါတို့အနက်မှတစ်ခု ဖြစ်ရမည်ဖြစ်သည်။ အမြဲတမ်းနေထိုင်သူ၊ ဂျပန်နိုင်ငံသား၏ အိမ်ထောင်ဖက် သို့မဟုတ် ရင်သွေး၊ အမြဲတမ်းနေထိုင်သူ၏ အိမ်ထောင်ဖက် သို့မဟုတ် ရင်သွေး သို့မဟုတ် ကာလရှည်နေထိုင်သူ။

အများပြည်သူကူညီပံ့ပိုးမှုအတွက် လျှောက်ထားသောအခါတွင် သင့်အိမ်ထောင်စုဝင်ငွေနှင့် ပိုင်ဆိုင်မှုများကို ချင့်တွက်မည်ဖြစ်သည်။ နိုင်ငံစံနှုန်းများအရ သင်၏အရည်အချင်းပြည့်မီမှုကို အတည်ပြုလက်ခံလိုက်ပါက စားဝတ်နေရေးပံ့ပိုးကူညီမှု အစရှိသည်တို့ကို ရရှိမည်ဖြစ်သည်။

သတင်းအချက်အလက် ပိုမိုရရှိနိုင်ရန်အတွက် သက်ဆိုင်ရာအုပ်ချုပ်ရေးအဖွဲ့ သို့မဟုတ် အုပ်ချုပ်ရေးရုံးရှိ လူမှုဖူလုံရေးကော်မရှင်နာတစ်ဦးထံ ဆက်သွယ်ပါ။

ပြန်ထိပ်