ညှိနှိုင်းတိုင်ပင်မှုဆိုင်ရာ သာဓကများ

ကျွန်ုပ်၏နေထိုင်ခွင့်ကာလကို မည်ကဲ့သို့သက်တမ်းတိုးနိုင်မည်နည်း။

သင်၏နေထိုင်ခွင့်ကာလကို သက်တမ်းတိုးရန်အတွက် အောက်ဖော်ပြပါစာရွက်စာတမ်းများ လိုအပ်ပါသည်။

1. နေထိုင်ခွင့်ကာလသက်တမ်းတိုးလျှောက်လွှာ (ဒေသဆိုင်ရာ လူဝင်မှုကြီးကြပ်ရေးသတင်းအချက်အလက်ဌာနများ၌ ဖောင်ပုံစံရယူနိုင်ပါသည်)
2. ဓာတ်ပုံ 1 ပုံ (W 3 cm x H 4 cm။ လျှောက်ထားသူ တစ်ဦးတည်းရိုက်ထားသောပုံ ဖြစ်ရပါမည်။ လွန်ခဲ့သောသုံးလအတွင်း ရိုက်ကူးထားသောပုံ ဖြစ်ရပါမည်။ ဦးထုပ်ဆောင်းမထားရပါ။ နောက်ခံပြောင်ဖြစ်ရပါမည်။ အသက် 16 နှစ်အောက်ဖြစ်ပါက မလိုအပ်ပါ။)
3. ဂျပန်နိုင်ငံ၌ သင်၏လုပ်ကိုင်ဆောင်ရွက်မှုကို သက်သေပြထားသော စာရွက်စာတမ်းများ (သင်၏နေထိုင်မှုအခြေအနေပေါ်မူတည်၍)
   (ဥပမာ) အာမခံစာ (ဂျပန်နိုင်ငံသား၏ အိမ်ထောင်ဖက် သို့မဟုတ် ရင်သွေးအတွက်၊ အမြဲတမ်းနေထိုင်သူ၏ အိမ်ထောင်ဖက် သို့မဟုတ် ရင်သွေးအတွက် သို့မဟုတ် ကာလရှည်နေထိုင်သူအတွက်)
4. နေထိုင်ခွင့်ကတ်
5. ပတ်စ်ပို့ သို့မဟုတ် နေထိုင်မှုအခြေအနေအတွက် အရည်အချင်းပြည့်မီကြောင်း လက်မှတ်

နေထိုင်ခွင့်ကာလမကုန်ဆုံးမီ သုံးလကြိုတင်၍ လျှောက်လွှာတင်နိုင်ပါသည်။ လျှောက်လွှာကို အတည်ပြုပါက ယန်း 4,000 ကျသင့်မည်ဖြစ်ပါသည်။ သတင်းအချက်အလက်များ ပိုမိုသိရှိနိုင်စေရန်အတွက် နာဂိုရဒေသဆိုင်ရာ လူဝင်မှုကြီးကြပ်ရေးသတင်းအချက်အလက်ဌာန သို့မဟုတ် လူဝင်မှုကြီးကြပ်ရေးသတင်းအချက်အလက်စင်တာသို့ ဆက်သွယ်ပါ။