ညှိနှိုင်းတိုင်ပင်မှုဆိုင်ရာ သာဓကများ

• အစိုးရအိမ်ရာတွင် နေထိုင်နိုင်ပါသလား။
  
• အစိုးရအိမ်ရာအတွက်လျှောက်ထားရန် မည်သည့်စာရွက်စာတမ််းများ လိုအပ်မည်နည်း။

အစိုးရအိမ်ရာတွင် နေထိုင်နိုင်ပါသလား။

အောက်ဖော်ပြပါအခြေအနေများနှင့်ပြည့်မီပါက အစိုးရအိမ်ရာတွင် နေထိုင်နိုင်ပါသည်။

1. အာအိချိစီရင်စုနယ်အတွင်း နေရပ်လိပ်စာ သို့မဟုတ် အလုပ်ရှိရမည်။
2. သင်နှင့်အတူနေထိုင်သော မိသားစုဝင်များ ရှိရမည်။
3. အိမ်ရာရှာဖွေရာ၌ အခက်အခဲရှိနေကြောင်း သိသာထင်ရှားသောသက်သေ ရှိရမည်။
4. အိမ်ရာချထားရေးအဖွဲ့ မှသတ်မှတ်ထားသော ဝင်ငွေစံနှုန်းနှင့် ပြည့်မီရမည်။

အထက်ဖော်ပြပါအချက်တို့အပြင် သင်၏နေထိုင်မှုအခြေအနေသည် အောက်ဖော်ပြပါတို့အနက်မှတစ်ခု ဖြစ်ရမည်ဖြစ်သည်။

1. အမြဲတမ်းနေထိုင်သူ သို့မဟုတ် အမြဲတမ်းနေထိုင်သူ၏ အိမ်ထောင်ဖက် သို့မဟုတ် ရင်သွေး
2. အထူး အမြဲတမ်းနေထိုင်သူများ
3. ဂျပန်နိုင်ငံသား၏ အိမ်ထောင်ဖက် သို့မဟုတ် ရင်သွေး
4. ရေရှည်နေထိုင်သူ

လွတ်လပ်သည့်နေရာကို အဓိကအားဖြင့် သတင်းစာများ၊ ရေဒီယို၊ အုပ်ချုပ်ရေးရုံး၏ သတင်းလွှာများနှင့် တယ်လီဖုန်းဝန်ဆောင်မှုတို့မှ ကြေငြာပါသည်။ (ဖုန်း- 052-971-4118)။ သတ်မှတ်နေရာများ (သက်ဆိုင်ရာအိမ်ရာ၏ စီမံအုပ်ချုပ်ရေးရုံး၊ အုပ်ချုပ်ရေးရုံး (နာဂိုရာမြို့တော်ခန်းမမှလွဲ၍) အစရှိသည်တို့) တွင် လျှောက်လွှာရယူပြီး လျှောက်ထားနိုင်သည့်အချိန်အတွင်း တင်သွင်းပါ။

လျှောက်လွှာတင်သွင်းရမည့်နေရာသည် အိမ်ရာ၏တည်နေရာအလိုက် ပြောင်းလဲနိုင်ကြောင်း သတိပြုပါ။

သတင်းအချက်အလက်များ ပိုမိုသိရှိနိုင်စေရန်အတွက် အစိုးရအိမ်ရာချထားရေးအဖွဲ့ သို့ ဆက်သွယ်ပါ (ဖုန်း- 052-954-1362၊ တနင်္လာ–သောကြာ၊ 9:00-17:00) သို့မဟုတ် အိမ်ရာအသီးသီး၏ စီမံအုပ်ချုပ်ရေးရုံး။

ပြန်ထိပ်

အစိုးရအိမ်ရာအတွက်လျှောက်ထားရန် မည်သည့်စာရွက်စာတမ််းများ လိုအပ်မည်နည်း။

လိုအပ်သောစာရွက်စာတမ်းများမှာ အောက်ဖော်ြပပါအတိုင်းဖြစ်သည်။

1. အစိုးရအိမ်ရာ လျှောက်လွှာ
2. အိမ်ထောင်စုဝင်များအားလုံးအတွက် နိုင်ငံခြားသားမှတ်ပုံတင်မှတ်တမ်းများပါ ကိစ္စရပ်များဆိုင်ရာ လက်မှတ်
3. အိမ်ထောင်စုဝင်များအားလုံးအတွက် နိုင်ငံခြားသားမှတ်ပုံတင်မှတ်တမ်းမျက်နှာနှစ်ဖက်လုံး၏ မိတ္တူများ
4. သက်ဆိုင်ရာအုပ်ချုပ်ရေးအဖွဲ့ခေါင်းဆောင်မှ နောက်ဆုံးထုတ်ပေးသော ဝင်ငွေဆိုင်ရာ လက်မှတ် (ဝင်ငွေရှိပါက)
5. သက်အုပ်ချုပ်ရေးအဖွဲ့ခေါင်းဆောင်မှ နောက်ဆုံးထုတ်ပေးသော အခွန်ကင်းလွတ်ခွင့်ဆိုင်ရာ လက်မှတ် (ဝင်ငွေမရှိပါက)
6. ငှားရမ်းခြင်းသဘောတူညီစာချုပ် မိတ္တူ သို့မဟုတ် ငှားရမ်းခပေးပြီးကြောင်း လက်မှတ် (လက်ရှိတွင် တိုက်ခန်း သို့မဟုတ် အိမ်တစ်လုံး ငှားရမ်းထားပါက)

သတင်းအချက်အလက်များ ပိုမိုသိရှိနိုင်စေရန်အတွက် အစိုးရအိမ်ရာချထားရေးအဖွဲ့ သို့ ဆက်သွယ်ပါ (ဖုန်း- 052-954-1362၊ တနင်္လာ–သောကြာ၊ 9:00-17:00) သို့မဟုတ် အိမ်ရာအသီးသီး၏ စီမံအုပ်ချုပ်ရေးရုံး။

ပြန်ထိပ်