ညှိနှိုင်းတိုင်ပင်မှုဆိုင်ရာ သာဓကများ

• မကြာမီ နိုင်ငံရပ်ခြားသို့ ခရီးထွက်မည်ဖြစ်ပါသည်။ ကာကွယ်ဆေးထိုးရန် လိုအပ်ပါသလား။
• နိုင်ငံရပ်ခြားသို့ ခရီးသွားလာရာတွင် ဘေးကင်းရေးအချက်အလက်များကို မည်သည့်နေရာမှ ရရှိနိုင်မည်နည်း။
• အပြည်ပြည်ဆိုင်ရာ ယာဉ်မောင်းလိုင်စင်ကို မည်ကဲ့သို့ရရှိနိုင်မည်နည်း။

မကြာမီ နိုင်ငံရပ်ခြားသို့ ခရီးထွက်မည်ဖြစ်ပါသည်။ ကာကွယ်ဆေးထိုးရန် လိုအပ်ပါသလား။

ဂျပန်နိုင်ငံတွင် မသိကြသည့် ကူးစက်နိုင်သောရောဂါအများအပြား ရှိပါသည်။ ဂျပန်လူမျိုးများသည် အဆိုပါရောဂါများအတွက် ကိုယ်ခံအားမရှိသောကြောင့် သင်သွားမည့်နေရာပေါ်မူတည်၍ ကာကွယ်ဆေး ကြိုတင်ထိုးသွားသင့်ပါသည်။

ကာလဝမ်းရောဂါ၊ ပလိပ်ရောဂါနှင့် အသားဝါရောဂါကဲ့သို့သော သီးသန့်ထားရှိရသည့် ကူးစက်နိုင်သောရောဂါများရှိသည့် နိုင်ငံများသို့ဝင်ရောက်ရန်အတွက် ကာကွယ်ဆေး သို့မဟုတ် တားဆေးဆိုင်ရာ အပြည်ပြည်ဆိုင်ရာလက်မှတ် (အဝါရောင်ကတ်) ရှိရန် လိုအပ်နိုင်ပါသည်။

ကာလဝမ်းရောဂါသည် အရှေ့တောင်အာရှနှင့် အာဖရိကတွင် အဖြစ်များပြီး ပလိပ်ရောဂါသည် အရှေ့တောင်အာရှ၊ အာဖရိကနှင့် တောင်အမေရိကတို့တွင် အဖြစ်များသည်။ အသားဝါရောဂါသည် အမေရိကအလယ်ပိုင်း၊ တောင်ပိုင်းနှင့် အာဖရိကတို့တွင် အဖြစ်များပါသည်။ အဆိုပါနေရာများသို့ သွားရောက်မည်ဆိုပါက ကာကွယ်ဆေးထိုးသွားသင့်သည်။

ကာကွယ်ဆေးအမျိုးအစားသည် သွားမည့်နေရာ သို့မဟုတ် ရာသီအလိုက် ကွဲပြားသောကြောင့် သင်သွားရောက်မည့်နိုင်ငံဆိုင်ရာ သံရုံးထံ ဆက်သွယ်ပါ။ ကာကွယ်ဆေးနှင့် နိုင်ငံရပ်ခြားရှိ ဆေးဝါးကုသမှုဆိုင်ရာ အချက်အလက်များအကြောင်း မေးမြန်းရန်အတွက် နာဂိုရရောဂါထိန်းချုပ်စောင့်ကြည့်စစ်ဆေးရေးဌာန၏ ရောဂါထိန်းချုပ်စောင့်ကြည့်စစ်ဆေးရေးနှင့် သန့်ရှင်းရေးဌာနခွဲသို့လည်း ဆက်သွယ်နိုင်ပါသည်။

• နာဂိုရရောဂါထိန်းချုပ်စောင့်ကြည့်စစ်ဆေးရေးဌာန (ရောဂါထိန်းချုပ်စောင့်ကြည့်စစ်ဆေးရေးနှင့် သန့်ရှင်းရေးဌာနခွဲ- ကာကွယ်ဆေးထိုးနှံရန် ကြိုတင်စာရင်းသွင်းခြင်း) ဖုန်း- 052-661-4131 / တနင်္လာ–သောကြာ- 9:00–12:00၊ 13:00-16:00
• နာဂိုရရောဂါထိန်းချုပ်စောင့်ကြည့်စစ်ဆေးရေးဌာန ချူဘူလေဆိပ် ရောဂါထိန်းချုပ်စောင့်ကြည့်စစ်ဆေးရေးဌာနခွဲရုံး ဖုန်း- 0569-38-8193 / တနင်္လာ–သောကြာ၊ 10:00–16:00

ပြန်ထိပ်

နိုင်ငံရပ်ခြားသို့ ခရီးသွားလာရာတွင် ဘေးကင်းရေးအချက်အလက်များကို မည်သည့်နေရာမှ ရရှိနိုင်မည်နည်း။

ဂျပန်နိုင်ငံ နိုင်ငံခြားရေးဝန်ကြီးဌာနမှ ကမ္ဘာတဝှမ်းရှိနိုင်ငံများမှ ရာဇဝတ်မှုများနှင့် ဘေးကင်းလုံခြုံမှုဆိုင်ရာ အချက်အလက်များကို ဖော်ပြပေးပါသည်။

• ကောင်စစ်ဝန်ဆိုင်ရာ ဝန်ဆောင်မှုစင်တာ၊ ကောင်စစ်ဝန်ရေးရာသတင်းအချက်အလက်ဌာန၊ နိုင်ငံခြားရေးရာဝန်ကြီးဌာန (နိုင်ငံရပ်ခြား၌ ဘေးကင်းလုံခြုံရေးဌာန) ဖုန်း- 03-5501-8162 (တိုက်ရိုက်) / 9:00–17:00 (နိုင်ငံခြားရေးဝန်ကြီးဌာန ပိတ်သည့်ရက်များမှလွဲ၍)
• နိုင်ငံခြားရေးဝန်ကြီးဌာန နိုင်ငံရပ်ခြားခရီးသွားလာမှု ဘေးကင်းရေးဝက်ဘ်ဆိုဒ် URL: https://www.anzen.mofa.go.jp

ပြန်ထိပ်

အပြည်ပြည်ဆိုင်ရာ ယာဉ်မောင်းလိုင်စင်ကို မည်ကဲ့သို့ရရှိနိုင်မည်နည်း။

အပြည်ပြည်ဆိုင်ရာ ယာဉ်မောင်းလိုင်စင်ကို လျှောက်ထားပြီး လျှောက်ထားသည့်ရက်၌ပင် ယာဉ်မောင်းလိုင်စင်စစ်ဆေးရေးစင်တာ သို့မဟုတ် ဟိဂရှိ-မိခဝ ယာဉ်မောင်းလိုင်စင် စင်တာ ၌ ထုတ်ယူနိုင်ပါသည်။ ၎င်းကို နာခါမူရ ရဲစခန်းတွင် လျှောက်ထားနိုင်သော်လည်း လိုင်စင်ထုတ်ပေးသည်အထိ 16 ရက်ခန့် ကြာမြင့်မည်ဖြစ်သည်။

လိုအပ်သောစာရွက်စာတမ်းများမှာ အောက်ဖော်ြပပါအတိုင်းဖြစ်သည်။

1. ယာဉ်မောင်းလိုင်စင် (အာအိချိ လိပ်စာပါရှိသော)
2. ပတ်စ်ပို့
3. ဓာတ်ပုံ 1 ပုံ (W 4 cm x H 5 cm၊ လွန်ခဲ့သည့်ခြောက်လအတွင်းရိုက်ကူးထားသောပုံ ဖြစ်ရမည်။ ဦးထုပ်ဆောင်းမထားရပါ။ အရှေ့ဘက်သို့ မျက်နှာမူထားပြီး ရင်ဘတ်အပေါ်ပိုင်းသာ ပါရပါမည်။ နောက်ခံပြောင်ဖြစ်ရပါမည်။)
4. တံဆိပ်တုံး
5. အခကြေးငွေ ယန်း 2,350

အပြည်ပြည်ဆိုင်ရာ ယာဉ်မောင်းလိုင်စင်သည် ထုတ်ပေးသည့်ရက်စွဲမှ တစ်နှစ်ကြာ သက်တမ်းရှိပါသည်။

သင် နိုင်ငံရပ်ခြား၌ရောက်ရှိနေစဉ် သင်၏ယာဉ်မောင်းလိုင်စင် သက်တမ်းကုန်သွားပါက ချွင်းချက်အနေဖြင့် သင်၏ယာဉ်မောင်းလိုင်စင်ကို သက်တမ်းတိုးနိုင်ပြီး အပြည်ပြည်ဆိုင်ရာ ယာဉ်မောင်းလိုင်စင်ကို လျှောက်ထားနိုင်ပါသည်။ နိုင်ငံရပ်ခြားတွင် တစ်နှစ်ထက်ပို၍ နေထိုင်ပါက ထိုနိုင်ငံ၏ယာဉ်မောင်းလိုင်စင်ရှိထားရန် လိုအပ်နိုင်ပါသည်။

• အာအိချိစီရင်စု ယာဉ်မောင်းလိုင်စင်စစ်ဆေးရေးစင်တာ ဖုန်း- 052-801-3211 / တနင်္လာ–သောကြာ- 8:40–12:00၊ 12:45–15:00
• အာအိချိစီရင်စု ဟိဂရှိ-မိခဝ ယာဉ်မောင်းလိုင်စင် စင်တာ ဖုန်း- 0533-85-7181 / တနင်္လာ–သောကြာ- 8:45–12:00၊ 12:45–15:00
• နာခါမူရ ရဲစခန်း ဖုန်း- 052-452-0110 / တနင်္လာ–သောကြာ- 9:00–12:00၊ 12:45-16:00

ပြန်ထိပ်