ညှိနှိုင်းတိုင်ပင်မှုဆိုင်ရာ သာဓကများ

ကျွန်ုပ်သည် နိုင်ငံခြားသားကျောင်းသားတစ်ဦး ဖြစ်ပါသည်။ နွေရာသီအားလပ်ရက်အတွင်း ကျွန်ုပ်၏နိုင်ငံသို့ ပြန်မည်ဖြစ်ပါသည်။ ကျွန်ုပ်လိုက်နာဆောင်ရွက်ရန်လိုအပ်သော လုပ်ငန်းစဉ်တစ်စုံတစ်ရာ ရှိပါသလား။

သင်၏လက်ရှိနေထိုင်မှုအခြေအနေအရ ခွင့်ပြုထားသော ရည်ရွယ်ချက်အတိုင်း ဂျပန်နိုင်ငံ၌ နေထိုင်ခွင့်ပြုထားသော၊ ပြန်လည်ဝင်ရောက်ခွင့်ပြုထားသောအချိန်အတွင်း သင့်နိုင်ငံ သို့မဟုတ် အခြားနိုင်ငံသို့ ယာယီသွားလိုပါက ဂျပန်နိုင်ငံမှမထွက်ခွာမီ ဒေသဆိုင်ရာ လူဝင်မှုကြီးကြပ်ရေးသတင်းအချက်အလက်ဌာနတွင် ပြန်လည်ဝင်ရောက်ခွင့်ပါမစ်ကို ရယူရန် လိုအပ်ပါသည်။

လိုအပ်သောစာရွက်စာတမ်းများမှာ အောက်ဖော်ြပပါအတိုင်းဖြစ်သည်။

1. ပြန်လည်ဝင်ရောက်ခွင့် လျှောက်လွှာ (ဒေသဆိုင်ရာ လူဝင်မှုကြီးကြပ်ရေးသတင်းအချက်အလက်ဌာနများ၌ ရယူနိုင်ပါသည်)
2. နေထိုင်ခွင့်ကတ် သို့မဟုတ် အထူး အမြဲတမ်းနေထိုင်ခွင့်လက်မှတ်
3. ပတ်စ်ပို့

နေထိုင်ခွင့် လက်ကျန်ကာလသည် သုံးနှစ်အောက်ဖြစ်ပါက ပြန်လည်ဝင်ရောက်ခွင့်ပါမစ်သည် အဆိုပါနေထိုင်ခွင့်ရှိသည့်ကာလအတွင်း တရားဝင်ပါသည်။

အထူး ပြန်လည်ဝင်ရောက်ခွင့်ပါမစ်

2012 ခုနှစ်၊ ဇူလိုင်လ 9 ရက်နေ့မှစတင်၍ ထွက်ခွာသည့်ရက်စွဲမှ တစ်နှစ်အတွင်း ဂျပန်နိုင်ငံသို့ ပြန်လည်ဝင်ရောက်သော (အထူး အမြဲတမ်းနေထိုင်သူများအတွက် နှစ်နှစ်အတွင်း) သက်တမ်းရှိပတ်စ်ပို့နှင့် နေထိုင်ခွင့်ကတ်ကိုင်ဆောင်သည့် နိုင်ငံခြားသားများ (အထူး အမြဲတမ်းနေထိုင်သူများအတွက် အထူးအမြဲတမ်းနေထိုင်ခွင့်လက်မှတ်) အတွက် ပြန်လည်ဝင်ရောက်ခွင့်ပါမစ် မလိုအပ်တော့ပါ။ သို့သော် အထူး ပြန်လည်ဝင်ရောက်ခွင့်ပါမစ်ကို နိုင်ငံရပ်ခြားတွင် သက်တမ်းမတိုးနိုင်သောကြောင့် လက်ရှိနေထိုင်ခွင့်ကာလကို ကျော်လွန်သည့် ပြန်လည်ဝင်ရောက်မှုအား ခွင့်ပြုမည်မဟုတ်ပါ။